Qëllimi i Gareth Bale ishte të rikthehej në ndeshjen e së shtunës kundër Rayo Vallecano, në mënyrë që t’i jepte vetes një shans për t’u thirrur për ndeshjet e Uellsit kundër Bjellorusisë dhe Belgjikës këtë muaj.
Por ai nuk ka qenë në gjendje të përmbushë afatet e tij në nivel klubi, pasi ai ende nuk është duke u stërvitur me skuadrën vetëm pesë ditë pas ndeshjes. Ai ka qenë duke punuar në palestër deri më tani, dhe pjesëmarrja e tij duket gjithnjë e më e pamundur tani, transmeton GazetaBlic Sport.
Pavarësisht kësaj, Robert Page e ka thirrur atë për skuadrën e Uellsit. Ai do të udhëtojë për detyrë ndërkombëtare, edhe pse nuk ka gjasa të jetë në gjendje perfekte.
