Gary Neville ka parashikuar sërish se Manchester City do të ruajë titullin e tyre pavarësisht se Arsenali ka epërsinë prej tetë pikësh.
Kampioni në fuqi, Man City e kishte shkurtuar epërsinë e Arsenalit në pesë pikë duke mposhtur 4-1 Liverpool-in në ndeshjen e parë të së shtunës.
Arsenali u përgjigj duke mposhtur Leeds United me të njëjtin rezultat për të rikthyer distancën e tetë pikëve, megjithëse City ka një ndeshje më pak.
Neville i tha Sky Sports se Arsenali kishte kaluar një tjetër provë duke iu përgjigjur fitores së hershme të Cityt, por pret që presioni të rritet në skuadrën e Mikel Artertës në nëntë ndeshjet e tyre të fundit.
“Arsenali është në një pozitë të pabesueshme, ata kanë besim të vërtetë, ka të bëjë me qëndrimin larg lëndimeve dhe mbajtjen e asaj forme në vazhdimësi”, tha Neville.
“Unë ende mendoj se City do ta fitojë këtë pasi ata kanë pak më shumë përvojë, është 50/50. Isha i sigurt rreth gjashtë javë më parë dhe mendova se Arsenali do të humbiste pikë, por mendoj se City do t’ia dal”, përfundoi ai.
/GazetaBlic Sport