Juristi Bardhyl Hasanpapaj në emisionin “Politico” në Kanal 10, ka theksuar se si inciativë ligjore është e mirëseardhur.
Sipas tij, kjo qeveri ose do të duhet të vazhdoj me këto ligje që i kemi, ose duhet të ndërroj legjislacionin, raporton Gazeta Blic.
Hasanpapaj ka theksuar se kjo kornizë ligjore aktuale nuk është e mjaftueshme.
”Opsioni i parë do të zbatohet ndaj zyrtarëve publik, pra do të verifikohet pasuria e tij ndër vite. Dhe opsioni i dytë i koncept dokumentit, ka të bëjë me një zbatim më të gjerë, pra të vlejë për të gjithë qytetarët”, ka theksuar ai.
Sipas tij, do të hetohen jo vetëm pronat që i ke në pronësi, por edhe ato që i ke në posedim tash e sa vite.
Ndërsa analistia politike, Shqipe Pantina tha se ky koncept dokument bie ndesh me prezymimin e pafajësisë, për faktin se kushtetuta garanton këtë drejtë elementare.
Ajo tha se VV me këtë ligj po do që t’i disiplinoj kundërshtarët politik.
”Kjo iniciativë nuk do të jetësohet”, tha ajo.
