Sporti

Një tragjedi në fushën e futbollit, portieri humbi jetën pas një përplasjeje me sulmuesin

12/22/2021 14:43
nga:Lorik J

Tragjedi në fushat e futbollit në Indonezi.

Portieri i Tornados, klubit të Ligës së Tretë atje, ka ndërruar jetë si pasojë e një përplasjeje me një sulmues kundërshtar.

Portieri i ri, 20-vjeçari i Tornados, Taufik Ramsjah, ndoqi një top që shkonte drejt sulmuesit të skuadrës kundërshtare dhe pati një përplasje – ku portieri u rrëzua dhe humbi ndjenjat.

Ai u transportua menjëherë në spital dhe iu nënshtrua një operacioni të shtunën. Megjithatë, nuk kishte asnjë ndihmë për të. Mediat vendase raportojnë se ai ka ndërruar jetë të martën për shkak të plagëve të rënda.

Klubi i tij ka lëshuar një deklaratë pas ngjarjes tragjike.

‘Lajm i trishtë. Ka ndërruar jetë Taufik Ramsjah! Ai e donte këtë sport që në fëmijëri dhe në fund vdiq duke ndjekur një profesion që e donte aq shumë. Por ai na la pasionin dhe mesazhin e tij për të ardhmen”, shkruan në komunikatë.

/GazetaBlic Sport

Lajme tjera