Një incident me fatalitet ndodhi gjatë ndeshjes së Bundesligës midis Borussia Dortmund dhe Stuttgart, e cila përfundoi 3:3, njoftoi policia e Dortmundit.

Një burrë 68-vjeçar nga Dortmundi ka vdekur në tribunat e Signal Iduna Park, ndërsa shkaku i vdekjes së tij ende nuk dihet. Ai mori trajtim mjekësor urgjent gjatë ndeshjes. Infermierët dhe policia menjëherë filluan reanimacionin kardiopulmonar, por nuk arritën t’i shpëtonin jetën.

Ndërkohë, pesë tifozë të Dortmundit u përleshën me një grup tifozësh vizitorë nga Stuttgarti. Një tifoz i Borussias pësoi lëndime të lehta pasi u godit me grusht. Policia ka hapur një hetim për sulmin.

Pas ndeshjes, policia e Dortmundit, duke pasur parasysh numrin e madh të spektatorëve (mbi 80,000 njerëz), e vlerësoi ditën e ndeshjes si kryesisht paqësore. U hapën procedura penale në 10 raste – kryesisht për sulm, por edhe për dëmtim prone, falsifikim dhe fyerje.

/GazetaBlic Sport