Mëngjesi i 7 janarit nuk qe i zakonshëm për deputeten Blerta Deliu-Kodra.

Me të hapur sytë, në telefonin e saj ajo kishte parë një mesazh i cili po e paralajmëronte që urgjentisht duhej të paguante një gjobë trafiku.

Fillimisht, Deliu-Kodra për KIKS-in tha se iu duk goxha e besueshme.

Menjëherë, ajo kishte filluar procedurat për konfirmim.

Me të konfirmuar nga “ekosova” se nuk ka asnjë gjobë të shqiptuar, e kishte kuptuar se bëhet fjalë për një skemë mashtrimi.

Deliu menjëherë kishte bërë një paralajmërim në profilin e saj në Facebook.

Pas atij postimi, ajo për KIKS-in tha se i ishin lajmëruar shumë njerëz që kishin pranuar mesazhin e njëjtë.

Madje një mike e saj, e cila kishte rënë pre e mashterimit, kishte paguar 1000 euro.

Për KIKS Kosovën, ajo tha se pret që policia të ndërmarrë hapat e duhur.

Gjithashtu Deliu thotë se është e nevojshme që qytetarët të sensibilizohen në mënyrë që të mos biejnë pre e këtyre mashtrimeve.