Një punonjës i FIFA-s raportohet se është arrestuar në Miami me dyshimin se ka kryer marrëdhënie seksuale me një djalë të mitur gjatë një udhëtimi pune nga Cyrihu.
“FIFA është në dijeni të procedurave ligjore në vazhdim në Miami në lidhje me një çështje private të një personi që është i punësuar nga FIFA”, tha Organizata Botërore e Futbollit në një deklaratë të mërkurën.
“FIFA nuk ka asnjë koment të mëtejshëm në këtë fazë”.
‘Miami Herald’ raportoi se Jack Coles u arrestua të premten nga agjentë federalë nga Hetimet e Sigurisë Kombëtare në një hotel pranë zyrave të FIFA-s në lagjen Coral Gables.
Coles është një drejtues projekti me FIFA Sound, departamenti që organizon muzikë për ngjarjet dhe transmetimet e trupit të futbollit.
/GazetaBlic Sport
