Sipas raportimeve në Itali, Antonio Rudiger, Andreas Christensen dhe Malang Sarr janë ndër opsionet e Milanit për të zëvendësuar Simon Kjaer, por rikthimi i Mattia Caldara është gjithashtu një opsion i mundshëm.

Gjigantët e Serie A janë në kërkim të një qendërmbrojtësi të ri pas lëndimit të gjurit të Kjaer, i cili do ta mbajë kapitenin e Danimarkës jashtë fushës për të paktën gjashtë muaj, përcjell GazetaBlic Sport.

Kuqezinjtë kanë vënë syrin te Christensen, Rudiger dhe Sarr, të gjithë nën kontratë me Chelsean.

Christensen dhe Rudiger shohin se marrëveshjet e tyre skadojnë në qershor 2022, por sipas Fabrizio Romano, bashkatdhetari i Kjaer, Christensen do të nënshkruajë një marrëveshje të re me gjigantët e Premier League në javët e ardhshme.

Një mori mbrojtësish janë lidhur me një lëvizje të janarit në San Siro, duke përfshirë edhe Nikola Milenkovic të Fiorentinës, Benoît Badiashile të Monakos, Facundo Medina të Lens dhe Caleb Okoli, aktualisht i huazuar te Cremonese nga Atalanta.

Ka gjithashtu raportime në rritje për rikthimin e mundshëm të Caldara nga huazimi i tij në Venezia, ku ai ka luajtur 13 ndeshje në Serie A këtë sezon.

/GazetaBlic Sport/