Një ortek bore në Chamoson, kantoni Valais, i mori jetën një skitar turistik dhe plagosi dy të tjerë më 15 janar, transmeton albinfo.ch.

Sipas policisë kantonale, orteku u shkëput rreth orës 12:00 në zonën Pointe de Chemo, duke përfshirë tre nga katër pjesëmarrësit e grupit të skitarëve që ndodheshin në lartësi prej 2500 metrash.

Skuadra e shpëtimit, me ndihmën e dy helikopterëve dhe një mjeti nga Air Zermatt, arriti të nxirrte dy të plagosurit, 41 dhe 54 vjeç.

Një burrë vdiq në vendngjarje. Prokuroria ka hapur një hetim për rrethanat e aksidentit./Albinfo.ch