Ministria e Shëndetësisë ka njoftuar se kanë nisur përgatitjet për krijimin e shërbimit të kardiokirurgjisë pediatrike, për fëmijët me sëmundje kongjenitale të zemrës, raporton Gazeta Blic.

Ministri Latifi ka potencuar se Ministria e Shëndetësisë do të sigurojë trajnimin e personelit përkatës dhe do të bëjë furnizimin e pajisjeve të nevojshme edhe përmes përkrahjes nga partnerët tanë ndërkombëtarë.

Postimi i plotë:

Fillojnë përgatitjet për krijimin e shërbimit të kardiokirurgjisë pediatrike, për fëmijët me sëmundje kongjenitale të zemrës.

Ministri i Shëndetësisë, Dr. Rifat Latifi, bazuar në strategjinë për avancimin e shëndetësisë kosovare dhe nevojën për zvogëlimin e numrit të referimit të rasteve për trajtim jashtë institucioneve publike shëndetësore, përmes kërkesës së drejtuar sot tek Bordi i SHSKUK-së, ka iniciuar krijimin e Shërbimit të Kardiokirurgjisë Pediatrike, për fëmijët me sëmundje kongjenitale të zemrës.

Ministri Latifi ka potencuar se Ministria e Shëndetësisë do të sigurojë trajnimin e personelit përkatës dhe do të bëjë furnizimin e pajisjeve të nevojshme edhe përmes përkrahjes nga partnerët tanë ndërkombëtarë.

Pasi që trajnimi i kardiokirurgëve, infermierëve dhe personelit tjetër është parashikuar të fillojë në muajin Shtator 2022, Ministri Latifi ka kërkuar nga menaxhmenti i SHSKUK-së që sa më herët të identifikojë personelin përkatës që do të dërgohet për trajnim jashtë Kosovës në një nga vendet me sistemin më të zhvilluar në botë për kardiokirugji te fëmijët.