Ndeshja e raundit të 14-të të Kampionatit të Katarit mes Al Wakrah dhe Al Sadd u ndërpre për një kohë të shkurtër për shkak të tërbimit të presidentit të mikpritësve.
Me rezultatin 0:0 u akordua penallti në favor të Al Sadd në minutën e 65-të. Presidenti i Al Wakrah Sheikh Khalifa bin Hassan Al-Thani nuk u pajtua me gjyqtarët dhe i mori gjërat në duart e tij. U largua nga zona e VIP-ave dhe doli anash për të protestuar, përcjell GazetaBlic Sport.
Në fushë protestuan edhe lojtarët e Al Wakrah, por kryearbitri ishte i vendosur. Ndërkohë, Al-Thani ka hyrë në fushë dhe ka vënë në shënjestër arbitrin. Ai mezi u përmbajt nga lojtarët dhe stafi i tij stërvitor.
Pas pak minutash, sheiku më në fund u qetësua dhe u largua nga fusha i shoqëruar nga zyrtarët.
Ka pasur spekulime se presidenti i skuadrës vendase ka dashur të largojë lojtarët e tij nga fusha. Ai vetë mohoi se kishte ndonjë qëllim të tillë.
?? A football match was stopped due to the president of Al-Wakrah Club, Sheikh Khalifa bin Hassan Al-Thani, protesting against the decisions of the match referee and wanted to withdraw his players after the ref awarded the opposition with a penalty. pic.twitter.com/8FjEfgQy68
— AlAudhli العوذلي ™ (@alaudhli) February 25, 2024
