Është e nevojshme të krijohet një gatishmëri dhe vullnet i fortë institucional për t’iu qasur reformave serioze dhe thelbësore në shoqëri, për të parandaluar ngjarje të ngjashme me tragjedinë në Cetinje.

Kështu u konkludua në takimin e përfaqësuesve të Këshillit për Kontrollin Civil të Punës së Policisë, në kuadër të Ministrisë së Punëve të Brendshme dhe Drejtorisë së Policisë të Malit të Zi.

Politikat e shëndetit publik, u konkludua, duhet të punojnë në parandalimin e rrezikut për dhunë.

Takimi është mbajtur me rastin e vrasjes masive në Cetinje më 1 janar, kur Aco Martinoviq qëlloi dhe vrau 12 persona dhe më pas qëlloi edhe veten. Katër të plagosurit po trajtohen në Qendrën Klinike të Malit të Zi.

Takimi u mbajt në zyrën e ministrit të Punëve të Brendshme, Danilo Sharanoviq, me iniciativë të Këshillit. Përveç Sharanoviqit, ishin të pranishëm edhe kryetari i Këshillit, Zoran Çelebiq, anëtarja e Këshillit Milena Popoviq Samarxhiq dhe ushtruesi i detyrës së drejtorit të Administratës së Policisë, Llazar Shqepanoviq, shkruan Vijesti.