Portieri Giorgi Mamardashvili bëri përshtypje në Kampionatin Evropian dhe në mënyrë të papritur kaloi në fazën e eliminimit me kombëtaren e tij. Ai pati pesë pritje në humbjen 1:3 ndaj Turqisë, çmendi Çekinë në barazimin 1:1 me 11 pritje dhe më pas ndaloi portugezët pesë herë të tjera në fitoren 2:0 të Gjeorgjisë. Edhe pse pranoi katër gola nga spanjollëve, ai ishte sërish i shkëlqyer me nëntë tentime të bllokuara kundër favoritit më të madh të kompeticionit.

Vlerësimi mesatar që i është dhënë nga Sofascore pas katër ndeshjeve është 8.15 dhe vetëm Fabian Ruiz me 8.77 është lojtari më i vlerësuar i turneut deri më tani. Mamardashvili ka kontratë me Valencian deri në verën e vitit 2027, është 23 vjeç, shkruhej se e duan Chelsea dhe Newcastle, por pas paraqitjeve të tilla në Euro do të shfaqen më shumë klube që do të interesohen për të. Kështu përmendet interesimi i Bayernit.

Vetëm dy vite më parë, Valencia pagoi 850 mijë euro që ta sillte nga Tbilisi dhe sot sipas Transfermarkt kap vlerën e 35 milionëve. Ai është i vetëdijshëm se është i kërkuar.

“Bayern ka ende portierin më të mirë në botë. Një transferim atje nuk më duket i mundur për momentin. Do të shkoja vetëm nëse mund të luaja. Nëse nuk është kështu, atëherë nuk do të shkoja”, tha Mamardashvili për një transferim i mundshëm në Mynih.

Bayern gjithashtu ishte i lidhur me të vitin e kaluar.