Pas presionit të shtuar diplomatik, Izraeli e ka ruajtur vendin e tij në turnetë evropianë të klubeve dhe sonte Maccabi Tel Aviv do të luajë në ndeshjen e saj të Europa League.

Thirrjet që vendi të përjashtohet nga garat e UEFA-s janë intensifikuar javët e fundit, me presion të fortë që vjen nga Katari dhe vende të tjera që reagojnë ndaj përshkallëzimit të konfliktit në Gaza.

Sipas mediave izraelite, ndërhyrja e diplomatëve të lartë dhe udhëheqësve të sportit, emrat e të cilëve do të mbeten sekret për momentin, luajti një rol kyç. Megjithatë, më i rëndësishmi ishte qëndrimi i Shteteve të Bashkuara, të cilat i dërguan një mesazh të qartë UEFA-s që të mos ndërmerrte veprime kundër Izraelit.

/GazetaBlic Sport/