Mediat në Itali pretendojnë se Napoli është në bisedime me Kevin De Bruyne si një transferim të mundshëm falas, pasi kontrata e tij me Manchester City skadon në qershor.
Eksperti i transferimeve të Sky Sport Italia, Gianluca Di Marzio, dhe Corriere dello Sport raportojnë se liderët e Serie A, Napoli, kanë synuar yllin belg De Bruyne dhe kanë hapur bisedime për një transferim të mundshëm falas për sezonin 2025-26.
Manchester City nuk do ta zgjasë kontratën e 33-vjeçarit dhe Napoli tashmë e ka konfirmuar interesimin.
Sipas Di Marzio, Napoli shpreson që marrëdhënia pozitive midis De Bruyne dhe bashkatdhetarit të tij Lukaku do t’i ndihmojë ata të negociojnë me asin e Manchester City, fitues të Ligës së Kampionëve në vitin 2023.
/GazetaBlic Sport
