Trajneri i Gjermanisë, Julian Nagelsmann, flet pas barazimit 1-1 kundër Zvicrës. Ai është i bindur se goli i fundit i Niklas Fullkrug ishte i merituar.

“Në fund e merituam pikën. Sigurisht që rrezikuam dhe mund të shpërblehej. Bëmë mirë që u kthyem në lojë. E meritonim barazimin. Zvicra ishte një kundërshtar i madh, doli të ishte një lojë argëtuese. Ne bëmë mirë taktikisht”, tha Nagelsmann, transmeton GazetaBlic Sport.

“Fullkrug shënoi përsëri – një gol i mirë. Ai është i rëndësishëm për ne. Jemi të lumtur që kemi një lojtar të tillë që mund ta sjellim nga pankina,” shtoi ai.

“Është e rëndësishme të kemi lojtarë që mund të shënojnë gola vendimtarë nga stoli. Ne analizojmë kundërshtarët për të zgjedhur formacionin fillestar dhe më pas mund të mbështetemi te lojtarët nga pankina”, shtoi specialisti.

/GazetaBlic Sport.