Gjenerali i pensionuar i Ushtrisë së Serbisë, Bozhidar Deliq ka vdekur sot në Moskë.
Deliq, i cili ishte zgjedhur nën-kryetar i Kuvendit të Serbisë, ka qenë komandant i Brigadës së Motorizuar 549, që ka marrë pjesë në kryerjen e shumë krimeve ndaj popullsisë civile shqiptare në Kosovë.
Lidhur me këtë ka reaguar eksperti i sigurisë Agim Musliu, duke thënë se kryeqyteti rus po bëhet varreza e kriminelëve serbë të luftës.
“Moska po bëhet varreza e kriminelëve serbë të luftës. Pas Veljko Kadijeviq (vdiq në Moskë, 2014), më pas Mira Markoviq (vdiq në Moskë, 2019) – sot në Moskë vdiq Bozhidar Deliq, i cili është përgjegjës për shumë vrasje gjatë luftës në Kosovë”, thekson Musliu në Twitter.
#Moscow is becoming the graveyard of #Serb war criminals. After #Kadijevic (died in Moscow, 2014), then #Mira (died in Moscow, 2019) – the wife of Milosevic, #Bozidar_Delic, who is responsible for many murders during the war in Kosovo, died today in Moscow. pic.twitter.com/WasYpNzPSm
— Agim Musliu (@agim_musliu) August 23, 2022
