Vedat Muriqi duket se do të mbetet pjesë e Lazios.
Muriqi është lidhur shumë ditëve të fundit me një largim nga Lazio, transmeton lajmi.net.
Sulmuesi thuhej se do të rikthehej në Turqi te skuadra e Fenerbahçes.
Kosovari, ka zbuluar të ardhmen e tij përmes një deklarate në Corriere dello Sport.
“Nuk janë të vërteta spekulimet për rikthimin tim te Fenerbahçe, ka shumë gjasa që unë të qëndroj te Lazio”, tha ai.
27-vjeçari ishte shumë i kritikuar për paraqitjet e tij sezonin e kaluar pasi në 34 ndeshje realizoi vetëm dy gola dhe një asistim.
Por, futbollisti i Kosovës dëshiron ti shuaj kritikët e tij duke qëndruar tek Lazio dhe të shfaq më të mirën e tij në fushë.