Kosova dhe Rumania do të përballen nesër në Nation League.

Ky takim zhvillohet me fillim nga ora 20:45 në stadiumin ‘Fadil Vokrri’, shkruan GazetaBlic Sport.

‘Dardanët’ janë maksimalisht të përgatitur për këtë takim, me synime të qarta vetëm për rezultat pozitiv.

Në konferencën para mediave, Vedat Muriqi ishte shumë optimist me deklaratën e tij, duke thënë se janë të lumtur që rikthehen të luajnë në stadiumin ‘Fadil Vokrri’.

“Besojmë shumë në “hakmarrje” brenda vijave kufizuese. Nëse e fitojmë 3-pikëshin, do të jetë një goditje shumë e madhe për ta. Me gjithë respektin për kombëtaret tjera, ne dhe Rumania jemi favorit për vendin e parë. E vlerësojmë shumë si kundërshtar Rumaninë, ata e merituan të kualifikohen, kanë lojtarë shumë të mirë. Por me gjithë respektin për Rumaninë, ne do të shkojmë për fitore”, tha Muriqi,

/GazetaBlic Sport/