Andre Cury, agjenti i Vitor Roque, vlerëson muajt e parë të sulmuesit të ri brazilian 19-vjeçar në FC Barcelona në programin RAC1 ‘Tu Diras’ dhe përjashtoi mundësinë që ai të shkonte në një klub tjetër në huazim.

“Ai është shumë mirë fizikisht dhe shumë i fortë mendërisht, duke pritur minutat për ta treguar në fushë. Ai nuk do të largohet si huazim.”

Agjenti i futbollistit (Minas Gerais) ka dashur të sqarojë paratë që FC Barcelona ka paguar deri më tani për klientin e tij, i cili ka nënshkruar për klubin katalanas deri në vitin 2031 për 31 milionë.

“Deri më sot, 10 milionë euro kanë dalë nga arkat e FC Barcelona. Në tre apo katër muaj ata kanë paguar 5 dhe tani në shkurt kanë paguar 5 të tjera. Çdo gjashtë muaj duhet të paguajnë 5 milionë deri sa lojtari të mbush 31 vjeç”, shpjegoi Andre Cury për paratë që Barça pagoi për ‘Tigrinho’.

“Është një transferim spektakolar për Barcelonën, do të doja që të gjitha transferet të ishin kështu”, theksoi ai.

Përfaqësuesi i Vitor Roque parashikoi se nëse ai starton në ndeshjet e Barças në moshën 20 vjeçare, çmimi i tij do të bëhet 200 milionë, me siguri”.

/GazetaBlic Sport/