Kandidati për deputet nga radhët e LDK-së, Besim Mulaj, së bashku me kandidatin për kryeministër nga LDK, Lumir Abdixhiku, kanë vizituar fabrikën e prodhimit të shtëpive montazh nga druri “Green House” në Radac të Pejës.

Mulaj thotë se kjo ndërmarrje është shembull i inovacionit dhe përkushtimit në industrinë e ndërtimit.

Ai thotë se falë punës së tyre dhe mbështetjes sonë, mundë të ndërtojmë një të ardhme më të mirë për të gjithë.

Postimi i plotë:

Pas një vizite frymëzuese në Prizren, pata kënaqësinë që, së bashku me liderin e LDK-së, Dr. Lumir Abdixhiku, dhe një grup kandidatësh për deputetë, të vizitojmë fabrikën e prodhimit të shtëpive montazh nga druri “Green House” në Radac të Pejës.

Kjo ndërmarrje është shembull i inovacionit dhe përkushtimit në industrinë e ndërtimit, duke kombinuar traditën me teknologjinë moderne për të ofruar zgjidhje ekologjike dhe të qëndrueshme për strehimin. U njohëm me proceset e prodhimit dhe vizionin e kësaj kompanie, që jo vetëm krijon vende pune në Kosovë, por edhe përfaqëson vendin tonë me dinjitet në tregun ndërkombëtar.

Falë punës së tyre dhe mbështetjes sonë, mund të ndërtojmë një të ardhme më të mirë për të gjithë!

#KosovaEArdhmjaJonë #LDK #GreenHouse
#BëhuNdryshimi #ldk124 #NR79