Besim Mulaj, kandidat i LDK-së për deputet, ka vizituar Qendrën Atraktive Rehabilituese ONIX SPA, bashkë me kandidatin për kryeministër, Lumir Abdixhiku, raporton Gazeta Blic.
Mulaj ka thënë se ONIX SPA Thermal Resort një shembull i vizionit dhe përkushtimit të jashtëzakonshëm, duke shtuar se ajo është ndër qendrat më të mira në Evropë, falë vizionit dhe përkushtimit të palëkundur të familjes Shoshi nga Banja e Istogut.
Postimi i tij i plotë:
ONIX SPA Thermal Resort një shembull i vizionit dhe përkushtimit të jashtëzakonshëm!
Jam i entuziazmuar me mrekullinë që ka krijuar miku im, z. Xhevdet Shoshi, në Qendrën Atraktive Rehabilituese ONIX SPA. Sot, kjo qendër është ndër më të mirat në Evropë, falë vizionit dhe përkushtimit të palëkundur të familjes Shoshi nga Banja e Istogut. Është një krenari e madhe për secilin istogas dhe përtej saj, duke parë se si një ide e guximshme mund të transformohet në një projekt që tërheq vëmendjen e të gjithëve.
Shoshi nuk është vetëm një lider vizionar për ONIX SPA, por edhe një zhvillues i shumë projekteve të tjera me rëndësi të veçantë, si në Kosovë, ashtu edhe në Evropë. Punishtet e tij sot punësojnë mijëra kosovarë, duke ofruar mundësi të jashtëzakonshme për komunitetin dhe duke kontribuar në ekonominë e vendit tonë.
Takimi im me të ishte frymëzues – energjia, urtësia dhe këshillat që ndava me z. Shoshi do të jenë gjithmonë një udhërrëfyes për mua. Faleminderit për vizionin, përkushtimin dhe shembullin që i jepni gjithë Kosovës dhe më gjerë!
#Krenar #Inspirim #ONIXSPA #Zhvillim #KosovaNëEvojë
