Kandidati i LDK-së për deputet, Besim Mulaj, ka ndarë përvojën e tij emocionuese gjatë vizitës në rezidencën historike të Presidentit Dr. Ibrahim Rugova, raporton GazetaBlic.

Ai e përshkroi vizitën si një privilegj, ku ka ndjerë peshën e fjalëve dhe vendimeve të rëndësishme që janë marrë në atë shtëpi, simbol i historisë dhe diplomacisë së Kosovës.

Mulaj theksoi se veçanërisht e preku muzeu i kristaleve, një thesari i pasurisë natyrore të Kosovës, që Rugova e mbante afër zemrës dhe i dhuronte si shenjë mikpritjeje.

Ai përfundoi duke theksuar se kjo vizitë ishte një kujtim i pashuar i trashëgimisë së Presidentit Rugova dhe vizionit të tij për një Kosovë të lirë dhe të qëndrueshme.