Kandidati për deputet nga radhët e LDK-së, Dr. Sci, Besim Mulaj, thotë se sot në 36 vjetorin e partisë, zemra i mbushet me krenari dhe përgjegjësi, raporton GazetaBlic.

Mulaj këtë ditë të rëndësishme e ka filluar nga shtëpia e themeluesit të partisë dhe Presidentit historik, Ibrahim Rugova, ku thotë se aty ndjen peshën e historisë dhe obligimin për ta çuar përpara amanetin e tij.

Postimi i plotë:

Sot, në këtë ditë të shënuar, 36 vjetorin e LDK-së, zemra mbushet me krenari dhe përgjegjësi.

Një shtëpi e madhe politike, që nuk ka qenë vetëm organizim, por frymë, vizion dhe shpresë për Kosovën në ditët më të vështira të saj.

Të nisësh këtë ditë nga shtëpia e themeluesit të LDK-së dhe Presidentit historik, Dr. Ibrahim Rugova, është më shumë se simbolikë – është rikthim te rrënjët, te qetësia, urtësia dhe besimi në lirinë që u ndërtua me mençuri e sakrificë.

Aty ndjen peshën e historisë, por edhe obligimin për ta çuar përpara amanetin e tij.

Faleminderit Ukë për mikpritjen e ngrohtë, për respektin dhe për ndjesinë se kjo shtëpi vazhdon të jetë shtëpi e vlerave, e dialogut dhe e dashurisë për Kosovën.

Sot, më shumë se kurrë, kujtojmë se LDK nuk është vetëm e shkuara jonë e lavdishme, por edhe përgjegjësia jonë për të ardhmen.

#besimmulaj79 #LumirAbdixhiku1 #Ldk123.