Deputetja dhe aktorja, Adriana Matoshi, ka marrë dje vëmendje me veshjen me të cilën është shfaqur në Kuvendin e Kosovës.
Ajo u paraqit në seancë e veshur me duks dhe patika, të cilat i kishte kombinuar me një fustan.
Për veshjen e Matoshit, pati shumë reagime. Më vonë, ajo reagoi për këtë në Facebook, duke thënë se veshja nuk e bën as deputete të mirë e as të keqe dhe se mbi të gjitha ajo është artiste.
Shijet janë relative, por edhe individuale. Veshja nuk më bën as deputete të keqe, as të mirë. Unë po e luaj rolin tim si deputete, për çfarë jam votuar. Kjo ka rëndësi!”, ka shkruar Matoshi.
Në këtë postim, ajo ka marrë shumë komente. Në mesin e atyre të cilëve kanë komentuar, është edhe reperi i njohur Mozzik, i cili i ka dhënë përkrahje deputetes.
Ai ka pasur një sugjerim për Matoshin se çka të mbathë herën tjetër në Kuvend.
“Heren tjeter shoqja ime mbathi keto Per respektin per femrat qe luajne Futboll ”, ka qenë komenti i Mozzik.