“Finalja Romë-Sevilla? Nëse them atë që mendoj… do të kem dhjetë ndeshje skualifikim”-kështu Jose Mourinho, trajneri i Romës, i rikthehet humbjes në Europa League, në një prononcim për mediet italiane.

Duke kujtuar dy finalet, në Conference League ndaj Feyenoord, me trofeun që italianët e fituan në “Air Albania” dhe më pas finalen e Europa League ndaj Sevilla-s të cilën Roma e humbi, portugezi theksoi se nuk kishte qarë ndonjëherë në fushë.

“Nuk kam qarë kurrë në fushë pas një disfate, ndonjëherë qaj pas një fitoreje dhe këto të dyja ishin historike për Romën”,-shtoi trajneri për dy finalet evropiane me Romën, atë të fituar ndaj Feyenoord në Conference League dhe një që e humbi kundër Sevillas në Europa League.