Federico Chiesa do të duhet të gjejë një klub të ri sa më shpejt që të jetë e mundur nëse do të luajë futboll këtë sezon, pasi mori një mesazh të ri nga Juventusi se nuk duhet të shpresojë të veshë sërish fanellën e Zonjës së Vjetër.

Kujtojmë se Chiesa ka hyrë në vitin e fundit të kontratës me Juventusin dhe negociatat për vazhdimin e bashkëpunimit kanë ndërprerë dhe administrata po bën gjithçka për ta shitur dhe për të mos lejuar që verën e ardhshme të largohet pa asnjë dëmshpërblim nga “Bianconerët”, transmeton GazetaBlic Sport.

Trajneri Thiago Motta njoftoi dhjetë ditë më parë se Chiesa ishte pjesë e listës së lojtarëve që nuk ishin pjesë e planeve të tij për sezonin e ri dhe shefi i ri i Juventusit konfirmoi se qëndrimi nuk ka ndryshuar.

“Pozicioni ynë ndaj Federico Chiesa nuk ka ndryshuar aspak. Ai nuk është pjesë e planeve të Juves për sezonin e ri dhe duhet të largohet në verë. Kështu do të veproj gjithmonë, do të jem i sinqertë për situatën, nëse dikush më pëlqen apo jo, unë kam qenë gjithmonë i sinqertë me lojtarët e mi dhe kjo nuk do të ndryshojë kurrë”, tha Motta.

/GazetaBlic Sport.