Rusia ka thënë se nuk njeh urdhërarrestet e lëshuara nga Gjykata Penale Ndërkombëtare (ICC) për dy komandantët kryesorë rusë lidhur me krimet e dyshuara të luftës në Ukrainë.

Sipas gjykatës, bëhet fjalë për Sergei Kobylash dhe Viktor Sokolov të martën.

“Ne nuk jemi palë në statutin e [Romës] – ne nuk e njohim këtë,” tha zëdhënësi i Kremlinit Dmitry Peskov.

Kjo është hera e dytë që lëshohen urdhra për rusët për luftën në Ukrainë.

E para ishte për presidentin Vladimir Putin dhe të dërguarin e tij për të drejtat e fëmijëve.

Duke folur për gazetarët të mërkurën, Peskov tha: “Ky nuk është vendimi i parë. Ne gjithashtu e dimë se ka procese të ndryshme të mbyllura që po ndodhin atje, të cilat mbahen të fshehta dhe ne i trajtojmë vendimet e tilla në përputhje me rrethanat”, raporton BBC.

Peskov tha se fakti që Rusia nuk ishte nënshkruese e Statutit të Romës, traktatit ndërkombëtar që krijoi ICC-në, do të thotë se Rusia nuk i njeh urdhërat.

Nuk ka gjasa që shtetasit rusë të ekstradohen për t’u përballur me akuza.