Lajme

Molliqaj kërkon lirimin e aktivistëve të PSD-së: Arrestimet e sotme i quan pushteti policor i Albin Kurtit

05/07/2021 16:46
nga:Gazeta Blic

Lideri i PSD-së, Dardan Molliqaj ka kërkuar lirimin e menjëhershëm të aktivistëve të PSD-së që u arrestuan sot gjatë një aksioni pranë objektit të Qeverisë së Kosovës.

“Sot, gjatë aktivitetit tonë simbolik afër objektit të Qeverisë, hasëm në dhunë të madhe dhe të paarsyeshme nga Policia e Kosovës. Ndërhyrja e tillë në një aktivitet paqësor shpërfaq mendësinë e këtij pushteti; që aktivizmin politik e trajton duke e shtypur me dhunë brutale”, ka shkruar ai në një postim në “Facebook”.

Postimi i plotë:

Pushteti policor i Albin Kurtit

Sot, gjatë aktivitetit tonë simbolik afër objektit të Qeverisë, hasëm në dhunë të madhe dhe të paarsyeshme nga Policia e Kosovës. Ndërhyrja e tillë në një aktivitet paqësor shpërfaq mendësinë e këtij pushteti; që aktivizmin politik e trajton duke e shtypur me dhunë brutale.

Gjatë ndërhyrjes kanë arrestuar aktivistët tanë Frashër Krasniqi, Nol Nushi, Qëndrim Sahiti, Zgjim Hyseni dhe Agron Kabashi dhe kanë përdorur dhunë dhe sprej lotsjellës ndaj aktivistëve të tjerë.

Të lirohen aktivistët menjëherë!

Albin Kurti flet pas mbledhjes së Qeverisë