Arda Guler, mesfushori ofensiv i Fenerbahces, papritur u bë një nga yjet kryesore të afatit kalimtar. Fabrizio Romano bëri të ditur mbrëmë se Reali e ka zgjidhur në mënyrë dramatike dhe shpejt transferimin e tij, realizimi zyrtar i të cilit pritet tashmë sot ose më së voni nesër. Ai tregon se tashmë ka rregulluar gjithçka me të riun dhe babain e tij, ndërsa dje i ka zgjidhur të gjitha detajet me Fenerbahcen.

Gazetari turk Volkan Demir zbulon se Luka Modric luajti një rol kyç në “rrëmbimin” e Gulerit nga Barcelona: “Ai e thirri Ardën dhe i tha: “Unë do të largohem sezonin e ardhshëm dhe dua t’jua dorëzoj fanellën”.

Faktori më i rëndësishëm ishte se Modric dhe Kroos e thirrën atë”

Arda shkëlqeu në mënyrë sensacionale te Fenerbahce në sezonin e përfunduar së fundmi me 6 gola dhe 7 asistime në 35 paraqitje.