Luka Modric do të largohet nga Real Madridi në fund të sezonit, njofton gazetari i Sky, Florian Plettenberg dhe eksperti italian i transferimeve Nicolo Schira.
Kapitenit të kombëtares kroate i skadon kontrata në qershor dhe sipas informacioneve të tyre ai nuk do të nënshkruajë kontratë të re.
Burimi i Plettenberg pohon se ky nuk është një vendim 100 për qind i sigurt. Schira nga ana tjetër shton se Modric do të largohet si lojtar i lirë.
Në këtë sezon, ai nuk është më në planet e trajnerit Carlo Ancelotti, ndaj, duke dalë shpesh nga stoli, ka bërë 27 paraqitje, pra 1374 minuta në fushë. Ai shënoi një gol dhe asistoi gjashtë prej tyre.
/GazetaBlic Sport
