Instituti Hidrometeorologjik bën të ditur se edhe sot në Kosovë do të mbajë mot i ngjashëm me të mërkurën, me ngrica dhe mjegull në mëngjes.

Ndërkaq, një ditë më parë Policia e Kosovës ka bërë apel për kujdes gjatë vozitjes për shkak të mjegull së dendur në disa vende.

Në njoftimin për media, Policia për rajonin e Ferizajt kërkon vëmendje të shtuar për shkak të ndryshimeve të papritura të dukshmërisë.

Ndërsa, rekomandojnë që:

Mos harroni se ngasja në mjegull mund të jetë e rrezikshme!

Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve.

Mbani ndezur dritat e shkurtra dhe të mjegullës!

Mbani distancën e duhur në mes automjeteve !

Mbani nën kontroll shpejtësinë e lëvizjes!

Mbani krahun e djathtë të rrugës gjatë lëvizjes!.