Me ftesë zyrtare të homologut të tij kroat, ministri i Mbrojtjes Armend Mehaj, udhëton sot në vizitë katërditore në Republikën e Kroacisë, thuhet në një komunikatë nga ministria.

Gjatë kësaj vizite, të parën jashtë vendit që nga marrja e detyrës, ministri Mehaj do të pritet me protokollin më të lartë shtetëror nga homologu i tij, ministri i Mbrojtjes Mario Banožić.

Takimet tjera me rëndësi do të jenë edhe me shefin e Mbrojtjes Admiral Robert Hranj, komandantin e Akademisë së Mbrojtjes, gjenerallejtënant Mate Pađen dhe ato me autoritetet e industrisë së mbrojtjes kroate.

Gjithashtu, ministri Mehaj, përveç takimit me ambasadorin e Kosovës në Zagreb, do të vizitoj dhe takoj edhe student-kadetët tanë që studiojnë në akademinë kroate të mbrojtjes. Bashkëpunimi bilateral Kosovë – Kroaci, në nivel ndërshtetëror në fushën e mbrojtjes, është zyrtarizuar me Memorandumin e Mirëkuptimit të nënshkruar në vitin 2012, thuhet ndër të tjera në njoftim.

LEXO EDHE:

Rama – shqiptarëve: 3 herë më shumë punë për t’ju kthyer borxhin e madh ku më futët të dielën