Rusisë i është sosur durimi me Perëndimin, pasi ende nuk kanë një përgjigje për kërkesat për situatën në Ukrainë.
Lavrov u shpreh se perëndimi ka hedhur në kosh kërkesat e tyre.
“Gjërat janë grumbulluar që prej viteve 90’, premtimet e bëra për mos zgjerimin e NATO-s, për mos zhvendosjen ushtarake drejt lindjes, thjesht u hodhën në kosh nga miqtë tanë perëndimorë në mënyrën më flagrante,” tha ai.
Lavrov u ndal edhe te bisedimet e kësaj jave me NATO-n dhe OSBE-në të cilat pati rezultat, kryediplomati rus fajësoi hapur SHBA-në.
“Ata kërkojnë nga ne, që të zhvendosim trupat nga territori ynë, ndërkohë amerikanët, kanadezët, anglezët kanë vendosur kampet e tyre pranë kufirit rus. Në shumë vende të Evropës po krijohen baza të reja, anglezët po ngrenë një në Ukrainë. Këtë nuk mund ta pranojmë kategorikisht, kjo është një qasje e papranueshme,” u shpreh Lavrov.
Lavrov i quajti kontradiktore thirrjet e perëndimit për të zhvendosur trupat nga kufiri ukrainas, ndërkohë që edhe ata kanë dislokuar trupat e tyre në kufirin rus.