Bashkimi Evropian ka kritikuar Republikën e Kosovës për shkak të shkarkimit nga detyra të Ekipit Menaxhues për hartimin e statutit të Asociacionit që kryesohej nga Danijela Vujicic.
Zëdhënësi i BE-së, Peter Stano ka thënë se Kosova ka shkelur marrëveshjen, meqë mandati i atij ekipi përfundon në momentin kur miratohet drafti për Asociacionin.
Ndaj BE-së ka pasur reagime të shumta. Sot ka reaguar edhe shefja e deputetëve të Lëvizjes Vetëvendosje, Mimoza Kusari-Lila duke thënë se një qëndrim i tillë i BE-së do të kishte pak kredibilitet nëse BE-ja do të kritikonte Ekipin Menaxhues për propozimin e një drafti anti-kushtetuese, kundër principeve të BE-së.
Sipas saj për të pasur sukses procesi, BE-ja duhet t’iu qëndrojë parimeve të veta.
“Është e detyrueshme për suksesin e procesit, BE i qëndron parimeve të veta!”, ka shkruar Kusari-Lila.
This statement would have had some credibility, if EU would’ve slamed the mgmt team for proposing anti constitutional draft, contrary to the principles EU confirmed. It’s mandatory for rhe success of process, EU sticks to its own principles! @EURACTIV https://t.co/c414lyIpSj
— Mimoza Kusari ???? (@mimozakusari) May 5, 2023
