Sipas mediave të shumta, Milani ka arritur një marrëveshje me Hellas Verona për transferimin e të mbrojtësit të krahut 20-vjeçar, Filippo Terracciano.

Kuqezinjtë janë të përgatitur të paguajnë një shumë fillestare prej 4.5 milionë euro me 1 milionë euro të tjera bonuse, pasi kanë gjetur një marrëveshje verbale me Veronën të premten pasdite, pretendon Sky Sport Italia, përcjell GazetaBlic Sport.

I riu është thirrur rregullisht nga trajneri Marco Baroni në Verona këtë sezon, duke u paraqitur në të 18 ndeshjet e Serie A të ekipit të tij.

Terracciano është gjithashtu një i ftuar i rregullt në skuadrën e Italisë U21.

Ai do të bëhet transferimi i dytë i Milanit në tregun e transferimeve të janarit pas kthimit të parakohshëm të Matteo Gabbia nga huazimi i tij në Villarreal në fillim të muajit.

/GazetaBlic Sport/