I nënshkruar nga Lille në vitin 2014, Divock Origi ka pasur një histori të ngritjeve dhe uljeve me Liverpool.

Me disa huazime gjatë shtatë sezoneve të fundit dhe pa arritur të afirmohet plotësisht në skuadrën e të kuqve, sulmuesi belg mund të kalojë edhe sezonin e fundit në skuadrën e drejtuar nga Jurgen Klopp, përcjell GazetaBlic Sport.

Sipas Tuttosport, Milan dhe Atalanta po ndjekin nga afër situatën e lojtarit, duke synuar të shkojnë drejt nënshkrimit të tij. Në skuadrën e Milanit, objektivi është gjetja e një zëvendësuesi për Zlatan Ibrahimovic, i cili tashmë ka hyrë në të 40-at dhe nuk shihet si një bast për të ardhmen.

Sa i përket skuadrës së drejtuar nga Gian Piero Gasperini, objektivi i transferimit të Origit lidhet me përpjekjen për të kapërcyer një largim të mundshëm nga Muriel. Trajneri i Atalantas sheh te Origi modelin ideal sulmues për të përforcuar skuadrën.

Origi është një lojtar që pavarësisht kohës së shkurtër të përdorimit nga Jurgen Klopp, është shumë i dashuruar nga tifozët e Liverpool-it, duke u cilësuar si një ‘xhoker’, pasi tashmë ka qenë vendimtar në disa arritje të klubit anglez, siç është goli i shënuar tek kthesa historike në gjysmëfinalen e Ligës së Kampionëve 2019 kundër Barcelonës.

Megjithatë, largimi i tij duket të jetë fati më i mundshëm për lojtarin, pasi ai e kupton se nuk është në gjendje të konkurrojë për vendin me fuqinë e lojtarëve më sulmues në skuadrën e Klopp, si Salah, Mané, Firmino apo Diogo Jota.

/GazetaBlic Sport/