Raportet në Francë konfirmojnë se Milani është në bisedime me Paris Saint-Germain për mbrojtësin Abdou Diallo, por do ta merrte atë vetëm në huazim me opsion blerjeje.

Kishte shumë raportime se Diallo ishte në krye të listës së dëshirave për të zëvendësuar Simon Kjaer, i cili ka humbur pjesën tjetër të sezonit pas operacionit në një ligament në gju, përcjell GazetaBlic Sport.

Tani ‘RMC Sport‘ në Francë pohon se është e vërtetë që të dy klubet janë në kontakt të drejtpërdrejtë për të diskutuar situatën e Diallo, por një marrëveshje duket e vështirë mes klubeve.

Kjo pasi Milani është i përgatitur vetëm ta marrë 25-vjeçarin në formë huazimi, më së shumti me një opsion blerjeje në fund të sezonit.

Një problem tjetër është se ndërkombëtari senegalez do të marrë pjesë në Kupën e Kombeve të Afrikës në janar dhe shkurt, duke e bërë atë të padisponueshëm për kuqezinjtë pothuajse deri në mars.

Diallo mund të luajë si mbrojtës i majtë ose në qendër të mbrojtjes dhe deri më tani këtë sezon ka bërë 13 paraqitje për PSG-në.

Ai kushtoi 32 milionë euro për të nënshkruar nga Borussia Dortmund në 2019.

/GazetaBlic Sport/