Lionel Messi është i dyshimtë për ndeshjen e Inter Miami kundër Orlando City të mërkurën pasi pësoi një lëndim të lehtë në gju, tha ndihmës trajneri Javier Morales. Jordi Alba do të jetë në dispozicion për ndeshjen.

Messi pësoi lëndim në fitoren 3-2 të Inter Miami ndaj Montrealit të shtunën. Argjentinasi u godit nga George Campbell në minutën e 40-të. Në këtë moment, Messi ndjeu dhimbje, por megjithatë luajti ndeshjen.

“Ne do ta kontrollojmë Messin sot, do të shohim se si ndihet ai gjatë stërvitjes dhe më pas do të marrim një vendim. Dje ai vrapoi pak dhe ndjeu pak gjurin e tij, por do të shohim se si është ai sot”, tha Morales.

Jordi Alba, i cili ka munguar në 4 ndeshjet e fundit të skuadrës, është sërish në dispozicion për liderin në Konferencën Lindore.

“Jordi është gati dhe ai është kthyer dhe ne jemi të lumtur që ai po kthehet”, tha Morales.

/GazetaBlic Sport