Meçi i tretë midis Tyson Fury të Britanisë së Madhe dhe Deontay Wilder të SHBA, do të zhvillohet në 9 Tetor.

Edhe pse ishte planifikuar të mbahej më 24 korrik në Las Vegas, SHBA, është njoftuar data e ndeshjes së tretë, e cila u shty për shkak të koronavirusit me të cilin ishte prekur Tyson Fury, përcjell GazetaBlic Sport.

Sipas deklaratës së bërë nga palët, ndeshja do të mbahet më 9 tetor në Los Angeles, SHBA.

Të dy boksierët u takuan për herë të parë më 2 dhjetor 2018 dhe lufta përfundoi në barazim. Fury fitoi ndeshjen e dytë në 23 Shkurt 2020 me nokaut teknik në raundin e 7-të, duke u bërë mbajtës i ri i rripit të Këshillit Botëror të Boksit (WBC).

Fury ka 30 fitore dhe 1 barazim në ndeshjet që ka luajtur deri më tani. Duke marrë humbjen e tij të vetme ndaj boksierit 32-vjeçar, Wilder ka 42 fitore dhe 1 barazim në 44 ndeshje.

Nëse ai e fiton këtë ndeshje, Fury pritet të përballet me Anthony Joshua, i cili mban rripat e peshave të rënda të Shoqatës Botërore të Boksit (WBA), Organizatës Botërore të Boksit (WBO) dhe Federatës Ndërkombëtare të Boksit (IBF).

/GazetaBlic Sport/