“Nëse dëshiron t’i bashkohesh një klubi, mos urino në derën e klubit”.

Kështu në mënyrë eksplicite i dërgoi mesazh Qeverisë Kurti ambasadori amerikan, Jeff Hovenier, teksa po fliste për synimet e Kosovës për anëtarësim në organizatat euro-atlantike.

Sipas analistit, Imer Mushkolaj, kjo deklaratë e ambasadorit amerikan është një sinjal i qartë se Shtetet e Bashkuara të Amerikës e kanë seriozisht ndaj kryeministrit Albin Kurti, në lidhje me veprimet në veri të vendit.

“Është një sinjal së SHBA-të e kanë seriozisht dhe nuk kanë vend ato spekulimet sidomos të militantëve të partisë në pushtet se Amerika diçka tjetër flet publikisht, por edhe e toleron Kurtin dhe Qeverinë me ndërmarrë veprime të ndryshme veçanërisht në veri të vendit”, ka thënë Mushkolaj.