Chelsea dhe Los Angeles thuhet se janë në bisedime për Pierre-Emerick Aubameyang mes thashethemeve për një rikthim të mundshëm në Milan gjatë verës për sulmuesin 33-vjeçar.

Produkti i akademisë së kuqezinjve nuk është në planet e Chelseat dhe është hequr nga skuadra e tyre në Champions League për fazën e eliminimit, transmeton GazetaBlic Sport.

Sipas Relevo në Spanjë, skuadra e MLS, LAFC aktualisht është në bisedime me Chelsean për të siguruar shërbimet e ish-sulmuesit të Barcelonës dhe Arsenalit.

Merkato e transferimeve në SHBA është ende e hapur, kështu që sulmuesi do të transferohej në MLS në shkurt nëse të tre palët arrijnë një marrëveshje.

Aubameyang iu bashkua Chelseat vetëm verën e kaluar në një marrëveshje prej 12 milionë eurosh nga Barcelona. Ai ka shënuar tre gola në 17 paraqitje me blutë këtë sezon.

Ai ishte lidhur me një rikthim në Milano në fund të sezonit, por nuk ka asgjë konkrete në këtë drejtim. 33-vjeçari luajti në grupmoshën e të rinjve të kuqezinjve dhe shënoi një gol në nivel të lartë në takimin e famshëm miqësor “Trofeo Berlusconi” kundër Juventusit në janar 2007.

/GazetaBlic Sport/