Trajneri i Galatasaray, Okan Buruk, dëshiron të huazojë Mateo Kovacic nga Manchester City në merkaton e dimrit, raporton TV100. Buruk thuhet se është i pakënaqur me mesfushorin francez Tanguy Ndombele, për këtë arsye ai pyeti drejtuesit e klubit nëse mund të huazonin Kovacic. Galatasaray ka 37 pikë, ashtu si Fenerbahçe dhe është në krye të kampionatit turk.
Probabiliteti që Kovacic të përfundojë në Galatasaray është pothuajse inekzistent. Përfaqësuesi kroat mbërriti në klubin e Manchesterit nga Chelsea këtë verë për 29 milionë euro. Deri më tani ka bërë 15 paraqitje, prej të cilave gjashtë herë ka qenë në formacionin titullar të trajnerit Pep Guardiola. Eksperti spanjoll e konsideron atë një pjesë të rëndësishme të ekipit të tij.
Më herët në karrierën e tij, Kovacic ka luajtur për Dinamon, Inter, Real Madrid dhe Chelsea. Me këto klube ka fituar 20 trofe, ndërsa me kombëtaren kroate ka fituar medaljen e argjendtë në Kampionatin Botëror 2018 në Rusi dhe të bronztën në Kampionatin Botëror 2022 në Katar.
/GazetaBlic Sport
