Ben White e ka përshkruar shokun e tij të skuadrës te Arsenali, Viktor Gyokeres, si një “përbindësh”. Sulmuesi suedez ka qenë te Arsenali për disa javë, pasi u transferua nga Sporting Lisbon për 63.5 milionë funte dhe deri më tani ka shënuar dy gola.

White ishte shok skuadre me Gyokeres në ekipin e të rinjve të Brighton dhe është i bindur se do të ketë një qëndrim të suksesshëm në Londër.

“Ai është një përbindësh! Ai jeton për gola, apo jo? Ai është një kërcënim i vazhdueshëm”, tha White për faqen zyrtare të Arsenalit.

“Nuk duhet t’i dalësh pengesë kur luan kundër tij, sepse ai thjesht do të të largojë nga rruga e tij! Ai ka një prani kaq të fortë dhe mendoj se fakti që ai ka luajtur tashmë në futbollin anglez do ta ndihmojë shumë. Shikon shumë njerëz që vijnë në Premier League dhe nuk kanë idenë se si është dhe kjo mund të jetë e vështirë për ta”, vazhdoi mbrojtësi.

“Por ai është mësuar me të. Ai luajti te Coventry dhe unë luajta shumë ndeshje me të te Brighton. Pra, ai e ka parë se si është, ai e di se çfarë të presë nga mbrojtësit. Sinqerisht, nuk mund të them asgjë të keqe për të. Ai është një nga lojtarët më profesionistë në stërvitje që kam parë; ai është në të njëjtin nivel me Martin Odegaard në këtë drejtim”, shtoi White.

/GazetaBlic Sport