Kreu i OVL-UÇK-së, Hysni Gucati ka rrëfyer detaje nga takimi me ish-krerët e UÇK-së në Hagë.

Gucati ka thënë se Sali Mustafën dhe Nasim Haradinaj i ka takuar pas disa ditëve që ishte arrestuar.

“Mu më kanë arrestu ditën e premte më 25 shtator. Calin e kam taku katër ditë masi kam shku në burg edhe ata e kam pa prej një dritare të vogël se gjoja Covidi. Nasimin e kam taku mas tetë dite”, ka thënë Gucati.

Mes emocionesh, Gucati ka rrëfyer për takimin me Thaçin, Veselin, Krasniqin dhe Selimin.

“Presidenti dhe baci Jakup dhe të gjithë këta, Kadria dhe gjenerali Rexha kanë ardh pas dy muajve. Ne kemi qenë në pavilonin B dy muaj e gjysmë. Mas dy muaj e gjysmë na kanë bashku me katërshen që erdhen në burg”, ka rrëfyer Gucati në “Politiko”.