Portieri i Argjentinës, Emiliano Martinez, ka lavdëruar Lionel Messin këtë të enjte. Duke folur për ‘Footballers Lives’, portieri argjentinas tha se Messi do të mund të luante futboll deri në moshën 50-vjeçare.

“Për mua, ai mund të luajë deri në moshën 50-vjeçare. Ai duket se është në formë shumë të mirë dhe i bën gjërat të duken të lehta edhe nëse janë më të vështirat. Të luaja me të më bëri të përmirësohem si lojtar, pa dyshim”, tha ai, përcjell GazetaBlic Sport.

“Ai përfaqëson vendin si një hero. Argjentinasit e respektojnë Messin më shumë se presidentin. Nëse Messi do t’u thoshte argjentinasve të qëndronin në shtëpi 24 orë, të gjithë do ta bënin. Ai është numri një, punon shumë dhe është frymëzim për të gjithë”, shtoi ai.

Argjentina ballafaqohet në finalen e Kupës së Botës me Francën të dielën.

/GazetaBlic Sport/