La Gazzetta dello Sport raporton se Franck Kessie dhe Milani ende po përpiqen të mbyllin një marrëveshje të kontratës. 

Marrëveshja e reprezentuesit të Bregut të Fildishtë skadon verën e ardhshme dhe mesfushori, i cili u ndëshkua me dy kartonë të verdhë në humbjen 2-1 nga Atletico Madrid, aktualisht nuk është dakord me Rossonerët për kushtet e kontratës së re, përcjell GazetaBlic Sport.

Gazeta pohon se nuk ka zhvillime në bisedime, pasi secila palë mbetet e vendosur në ofertën dhe kërkesën e tyre përkatëse.

Milani thuhet se i ka ofruar Kessie një marrëveshje të re deri në qershor 2026, me një pagë vjetore me vlerë 6.5 milion euro në sezon.

Mesfushori dhe agjenti i tij aktualisht kërkojnë 8 milionë euro, sipas raportit, një hendek që asnjëri prej tyre nuk është fleksibël për të kapërcyer.

Milani shpreson të shmangë humbjen e Kessie në një transferim falas si Hakan Calhanoglu dhe Gigio Donnarumma këtë verë, por gazeta zbulon se ata nuk po i afrohen arritjes së një marrëveshjeje.

/GazetaBlic Sport/