Krijimi i Superligës Evropiane ka shkaktuar ‘tërmet’ në botën e futbollit.
Dje 12 skuadra të mëdha evropiane konfirmuan se kanë krijuar një ligë të përbashkët që do të quhet “Superliga Evropiane”, shkruan GazetaBlic Sport.
Në lidhje me krijimin e një lige të tillë, pati reagime të shumta nga figura të njohura në futboll.
Reagimeve të ashpëra të Neville, Carragher, Xabi Alonso e shumë të tjerëve iu bashkangjit edhe Marcelo Bielsa.
Ai për Sportbible tha se arsyeja që futbolli është atraktiv është se skuadrat e vogla mund të befasojnë skuadrat e mëdha.
“Një nga arsyet që futbolli është sporti më i popullarizuar në botë, është sepse ekipet e vogla mund të mposhtin ekipet e forta”, tha Bielsa për Sportbible.
/GazetaBlic Sport.