Lajme

Maqedonci: Inteligjenca ruse ka ndikim në strukturat ilegale në veri të Kosovës

3 ditë më parë
nga:G C

Ministri në detyrë i Mbrojtjes, Ejup Maqedonci, në një intervistë për mediumin kroat Večernji List se ndikimi rus në veri është rritur pas agresionit rus në Ukrainë.

Deklaratën ai e bazoi në “informacione të besueshme për praninë e inteligjencës ruse në “Qendrën Humanitare Ruse ne Nish.”

“Kemi informacione të besueshme për praninë e inteligjencës të cilat janë në Qendrën Humanitare Ruse në Nish, të cilat kanë ndikim në strukturat ilegale në veri të Kosovës. Që nga fillimi i agresionit rus në Ukrainë, ndikimi është rritur përmes bashkëpunimit me Serbinë”, tha ai.

Maqedonci tutje ka thënë se marrëveshja trelaterale nuk është për të sulmuar vendet fqinje.

“Nuk po fuqizohemi për te pushtuar vende fqinje por po e fuqizojmë ushtrinë tonë që të jetë e aftë të mbrojë Kosovën pavarësisht fuqisë se kundërshtarit”tha ai.

Javë më parë Kosova-Shqipëria dhe Kroacia nënshkruan marrëveshje trelaterale në aspektin ushtarak.