Agjenti i Manuel Neuer, Thomas Kroth, ka thënë se portieri i Bayern Munich mund të rikthehet në ekipin kombëtar gjerman.

“Ai është në formë të shkëlqyer dhe po luan në mënyrën më të mirë. Nëse Julian Nagelsmann ka ndonjë problem në këtë pozicion, Manuel është i shëndetshëm dhe nëse i kërkohet të luajë, ai sigurisht që nuk do të refuzojë”, tha ai në një intervistë me gazetën Frankfurter Rundschau, transmeton GazetaBlic Sport.

I pyetur nëse kapiteni i Bayernit, i cili së shpejti do të mbushë 40 vjeç, do të ishte ende mjaftueshëm i mirë për Kupën e Botës të vitit të ardhshëm, Kroth u përgjigj: “Nëse jap një përgjigje të qartë tani, do të hap një kuti me krimba”.

Neuer u tërhoq nga skuadra kombëtare pas Euro 2024 në Gjermani, dhe portieri i Barcelonës, Marc-Andre ter Stegen, u zgjodh nga trajneri Julian Nagelsmann si numri 1 i ri.

/GazetaBlic Sport/